ეს პირობები არეგულირებს შპს „სერვის გრუფ ინთერნეიშენალი“ (ს/კ: 406323982, შემდგომში - „ვორტექს ფიტნესი“) სტუდენტური ფასდაკლების პროგრამით სარგებლობას ვებგვერდზე student.vortexfitness.ge. რეგისტრაციით ადასტურებ, რომ გაეცანი და ეთანხმები ამ პირობებს.
პროგრამა განკუთვნილია მონაწილე ქართული უნივერსიტეტების მოქმედი სტუდენტებისთვის, რომლებსაც აქვთ აქტიური საუნივერსიტეტო ელფოსტის მისამართი. მონაწილე უნივერსიტეტების სია ქვეყნდება ვებგვერდზე და შეიძლება შეიცვალოს წინასწარი შეტყობინების გარეშე.
დადასტურებული სტუდენტი იღებს ერთჯერად ფასდაკლების კოდს, რომლითაც ულიმიტო თვიური აბონემენტი ღირს 99 ₾ სტანდარტული 199 ₾-ის ნაცვლად. კოდი გამოიყენება მხოლოდ Vortex Fitness-ის აპლიკაციაში - ამ ვებგვერდზე გადახდა არ ხდება. ერთ სტუდენტზე გაიცემა ერთი კოდი პერიოდში; ახალი კოდის გაცემის თარიღი ჩანს პირად გვერდზე.
კოდი ერთჯერადია, პირადია და გადაცემას არ ექვემდებარება. კოდს აქვს მოქმედების ვადა, რომელიც მითითებულია პირად გვერდზე; ვადაგასული კოდი აღარ გამოიყენება და არ ანაზღაურდება. ვორტექს ფიტნესი იტოვებს უფლებას, გააუქმოს კოდი წესების დარღვევის, არასწორი მონაცემების ან ბოროტად გამოყენების შემთხვევაში.
რეგისტრაციისას ვალდებული ხარ მიუთითო ზუსტი და შენი კუთვნილი მონაცემები: სახელი, გვარი, პირადი ნომერი, მობილურის ნომერი და საუნივერსიტეტო ელფოსტა. სხვისი მონაცემებით რეგისტრაცია, კოდის გაყიდვა ან გადაცემა პროგრამიდან გარიცხვის საფუძველია.
ვორტექს ფიტნესს შეუძლია ნებისმიერ დროს შეცვალოს ფასდაკლების ოდენობა, პირობები ან შეწყვიტოს პროგრამა. უკვე გაცემული და მოქმედი კოდები ცვლილებამდე არსებული პირობებით იმუშავებს.
ვებგვერდი მოწოდებულია „როგორც არის“ პრინციპით. ვორტექს ფიტნესი არ აგებს პასუხს კავშირის, SMS-ის ან ელფოსტის მიწოდების შეფერხებაზე, რომელიც მესამე მხარის ოპერატორებზეა დამოკიდებული. აბონემენტით სარგებლობას არეგულირებს დარბაზის სტანდარტული წესები.
კითხვები ამ პირობებთან დაკავშირებით: info@vortexfitness.ge, +995 32 250 17 00, ან ნებისმიერი ფილიალის მიმღები. მონაცემების დამუშავების დეტალები იხილე კონფიდენციალურობის პოლიტიკაში.
